Usa ka adlaw nakadungog ko amiga sa akong inahan nga nangyawyaw.Diay siya may gihisgutan usa ka silingan namu. Wala ko kasabot ngano siya nga nagbagulbol.Akong nahibal-an nga ang iyang ika-tulong (3) anak naburos. Ang lalaki dili interesado nga pakaslan iyang anak. In short, dili moatubang sa usa ka responsibilidad nga nahimo sa lalaki sa iyang anak nga dalaga. Naguol ang inahan kay manganak ang iyang anak nga walay amahan ang iyang apo. Ang iyang anak nga naburos tungod sa kaulaw sa inahan sa mga silingan didto gipapuyo sa amo. Mga 3 ka bulan ang milabay ug nanganak ang anak sa amiga sa akong inahan. Kadtong mga panahuna tungod kay wala pa ko'y buot sa kalibutan wala gyud ko kasabot unsay nanghitabo ug kalihukan sa among panimalay.Nga ang usa diay ka dalaga nga manganak nga walay bana DAKU kaayong istorya sa katilingban. Nganong naburos, ambot unsa ilang gipanghimo.
Pila pa katuig ang milabay, nahibaw-an naku nga kini diayng amiga sa akong inahan kaniadto sobra ka himantayon. Unsay kalihukan sa mga silingan una pa siyang makahibalo. Usa na kini sa anak nga dalaga nga iyang gibantayan/hilabtan sauna nga sobra daw kaarte unya naburos lang daw.
Kani ang gitawag nga sagpa sa panahon. Maabot ra diay kanimo ang wala nimo gipangandoy nga mahitabu.Pero dili man gud natu masabtan ug ma-kontrol ang panahon. Mahitabo gyud ang unsay mahitabo sa usa ka tawo bisag unsaon siguro natu pag amping.... pero kun kita mangamuyo sa Ginoo nga ipahilayo ang atong kinabuhi sa tanang mga kasakit ug kalisod siguro malamdagan ang atong huna-huna ug kinabuhi. Tanang mga paga-himuon nato matag adlaw atong i-ampo sa Ginoo.
